Sushanta Chowdhury : Tripura ni Twijilikma Nuyungma beraikhiri khwlainairogni bagwi Tourist Facilitation Center phiyokjakha
Tripura hasteo kwbangma beraikhiri thai tongo. Aboni bisingo Neermahal eba Twijilikma wngkha belai naithothok tei Tripura hasteni bubagra molni o beraikhiri thai.
O beraikhiri thaino teibo bahaikhe beraikhriri hamjaknairogni bagwi dalbidal sep rwui man ayang bwkhak naisigwino Tourist Facilitation Center phiyogwi rwkha Tripura ni beraikhiri montri Sushanta Chowdhury.
Tripura haphang tei Kendra haphang Tripura ni beraikhiri thaino hayung ha kotoro tunsai rwina bagwi krak yapri naharwi tongo. Tei Kendra haphang rangni chubachubo yapharwi tongo Tripura haphangno.
O center swnamthani 4 crore 2 lakh 57 thousand rang swbaiwi swnamjakha.
Koklam sana thangwi montri Sushanta sakha, jesa beraikhiri thaiphano tomung hamkrai wngkhe swkang gana gini amchaini tongkosong lukurog hamkrai wngo. Teikhaksa bwkhak o beraikhriri thaino naikini khwlainani barjabo norognino. Tongkosong lukurogbo swkangwi phaithai.
Pandao manjakha Melaghar Pura Parishad Chair person Anamika Ghosh Paul, Swapan Kumar Das no khobwi tei beraikhiri bedekni kubuni samung tangnairog.
