Thentani Majwara Theatre Workshop Cum Production

by Gobin Debbarma - Jul 6, 2023 11:01 PM

Tripura hasteni kwbangma artist bisi kwdwkma romwi samung khwlaiwi tongphano mwnakjak hai Tripura ni Industry. Phiya kwbangma sak baithangni rang swbaiwi private video  ni bisingtwi simino yapri naharjagwi tongo eba khwlaijagwi tongo tei videorog tikhwlaiwibo tongo. Thwngnuk ni bisingtwi bahaikhe samung khwlaiwi man o kokno khorog wansugwino Tripura ni  ICA, TTAADC bedek yapri naharwi tongo.

20^th June 2023 sal ni simi chengjakmani 25^th Days residential Theatre Workshop cum Production ICA,TTAADC bedekni luajimungbai. O workshop ni paithak sal 14^th July. O workshop ni kok bothoma wngkha thwngnukni bisingtwi phekmungbai hakchal khwlainani.

Thentani Majwara thwngnuk Concept tei Direction Pabitra Rabha(NSDIAN) Tripura hasteo sokphaijak tei phwrwngjakha bini bisingtwi. Khursathai kwlaio Tripura hasteo TTAADC o ICA ni EM Suhel Debbarma barja manmani ulono o yapri naharjago tei thinangobo teibo barja naharwi samung khwlaijaknai. Pabitra ni Hindi, Bengali, Assameses kokbai kwbangma Movies khwlaijak tongo Mission China, Kanchanjangha, Tango Charlie, Mukhbir, Mary Kom akorog tikhwlaijak tongo.

Thentani Majwara joto Tripura ni wngwi naikini khwlainai eba Script, Music, Design tei Direction Surajit Debbarma(NSD TIE ALUMNI). Kokthum Surajit Debbarma 2010 bisini simi thwngnukni hapharo samungbai kwrwngjak. Tripura ni thwngnuk mwsakwrwngrog bwskangni salo haa kotor tei hayung haa kotoro aboni bisingtwi yapri sejaknai tei samung humungrogbo teibo manai hwnwi sakha Surajit Debbarma. O thwngnuk o jotono Tripura ni khungthaibara bosongno kwbangkuk hwnwi sawi mankha.