TTAADC Sebuk chitoknani tei hamkraino twiwi malaikha bubagra Pradyot mantri Bikash Debbarmabai

by Gobin Debbarma - Jul 27, 2024 12:55 PM

Phasalo atomsa Tripura Tribal Areas Autonomous District Council(TTAADC) hamkrai eba 6^th schedule area o tongnai tong kosong lukurog eba siklarogni kokno khorogo wansugwi Tripura ni Bubagra Pradyot Bikram Kishore Manikya Debbarma thangwi malaikha Tiprasa hamkrai mantri Bikash Debbarmabai.

A salo TTAADC bahaikhe teibo sebuk chitogwi man aborogno twiwi kok salaikha tei dalbidal project ni bisingtwi bahaikhe krakhe yapri sewi man ayang bwkhak naisigwino kok salaikha hwnwi koktwma.

A salni malaimao tongo Tipra mothani MLA Ranjit Debbarma, TIDC Chairman Nabadal Banik, MLA Brishaketu Debbarma, CEM, CEO, EM’S no khobwi tei kubuni samung tangnairog.

Teibo sawi mankha dakti daktino  6^th Schedule area no twiwi hamkrai ni yapri naharjaknai hwnwi koktwma.