Aadhaar Card Centre: Mera Aadhaar, Mera Pehchaan phiyogwi rwkha Khumulwng o
Sangrongsalo kaisa pandani bisingtwi 6th schedule area ni bisingo khobjak TTAADC Head Quarter Tripura Gramin Bank ganao Aadhaar Card swnamjaknai Centre phiyogwi rwkha. Phiyokmungni panda o manjakha TTAADC CEM Purna Chandra Jamatia no khobwi UIDAI Northeast region ni kuchuk beremni samung tangnairog.
Aadhaar Card no twiwi Tripura haste simiya India ni kubuni hasterogono dalbidal jwngjal kuplwng. O jwngjalni yak kakna bagwi UIDAI bedekni bwkhak dalbidal khwlaiwi yapri naharwi tongo. aboni bokocho wngwino TTAADC haphang koimungni bisingtwi Khumulwng o Aadhaar Centre phiyogwi rwmani.
A salni panda kok narwkna thangwi TTAADC CEO CK Jamatia sakha tini aro chwng Aadhaar Centre manmani bagwi belai chasukha tabukni simi kami amchai tongkosong lukurogni tomung Aadhaar Card o nini nikuma, mung tei dalbidal jwngjal tongmarog hakchal wngnai hwnwi sakha.
TTAADC CEM Purna Chandra Jamatia Aadhar Card tomung kwrwi hinkhe tei mungsa samungo chukya khoroksa borok. Aboni bagwi keboni tomung chayarog wngjak tongkhe Aadhar Card soi khwlaiwi naharna bagwi no o sepno chwng tini yapharkha hwnwi sakha.
Pandao tongo bodolni samung tangnairogno khobwi kami amchaini tongkosong lukurog.
