Hainohai Narendra Modi PM : India ni laibumao mung tisakha hainohai
Phasalo BJP ni kaisa nangkukjak koklam panda khwlaikha. NDA(National Democratic Alliance) Central Hall, Old Parliament Building khwlaikha panda.A salni koklam Bharat Haa kotorni dalbidal rwngthwngni jwngjal ni bisingtwi kwplai wngnai MProgno chongwi naharjak PM Narendra Modi kha kaham yapharkha.
Koklam pandao kok narwkha Bihar ni CM Nitish Kumar, Chandrababu Naidu, tei kubuni adongrogbo koklam narwkha. Jotono hainohai Modi no PM wngnani bagwi gosimung rwlaikha.
Delhi ni Central Hall koklam salaimao a salo bodolni phan no bahaikhe thinango teibo samungo chukrwui man ayang bwkhak naisigwino krak koklam sakha tei Maha Bijoy hwnwi sakhwlaikha 2024 bisini kwtal chongjaknai PM.
Alaida khwlaiwi India ni Economic Zone 5No ni 3No sogwimani koklam sakha Modi. A salni koklam panda tongo BJPni MP no khobwi hasteni ni mantri okra tei samung tangnairognobo hasteni samung humung kaham khwlaiwi khwlainani kok sakha.
Hayung haa kotor tabuk India ni bwkhak naisikna bwkhak. Tangwi hinkhe India o Tourism bisingtwi kaisa kwtal yapri wngwi tongo aboni bagwi hayung haa kotorni lukurog India ni bwkhak naisiknai.
Abono karwibo a salo 2014 bisi tei 2019 bisi ni Loksabha chongbarini swlai 2024 teibo kwbang seat manmano twiwibo sakha. Teikhaksa bwkhak G20 ni koknobo khursawi sakha. Tripura hasteni wngwi CM Dr. Manik Saha khum yapharwi kha kaham yapharkha. Khursathi kwlaio, 1960 ni ulo Waitham PM wngkha Narendra Damodar Das Modi.
