Kargil Vijay Diwas 26th July 1999 : bridiyarogni choba belai muito ni choba
26th July 1999 Bisi brum brumno bisio waisa o salno palaijago. Taklai bisiobo Kargil Vijay Diwas sal palaijakha. Bharat ni brindiyarog o choba o barja naharwi langma rwnairogni kotorma sal hwnwi eba borogni choba khwlaimani muito khwlaiwi India ni joto hasteo palaijakha.
29th Minister of Defence Rajnath Singh Vijay Diwas pandao kwrwngwi Pakistan no koksilsamung rwkha. Chwng sawi mano haa kotor India tomung brindiyarog tongwino tong kwchang khwlaiwi hohom dodomkhe tongwi mano tei borog tongmani bagwino chini haa kotorno kebo yaksi surwi kok suda sawi manya.
O choba kwbangma india ni brindiyarogno langma chokha. Borogni saktharma tei barja naharwi yarpi semano chwng pogwi mangwlak. Molbrum no borogni mang kwthang tei tongkwchangkhe tongnani wngthun hwnwi sakha Montri.
