Agartala Government Nursing College inaugurated : Tripura CM Dr. Manik Saha
B.Sc Nursing College o bisi ni simino sep sab naharwi manai swrwngnai swrwngnaijwkrog. Nursing Education khwlaiwi manai tei swrwngnairogni imang kubui khwlaiwi manai.
Sal kwdwkmani ulo Agartala ni IGM Hospital ni kwtal Bhawan no phiyogwi manwi khatungmani kok sakha Tripura ni montri okra Dr. Manik Saha. Bwskangni salo hasteni sakhamno bahaikhe teibo hamkrai tubuwi man ayang bwkhak naisigwi yapri sewi tongo hwnwibo sakha montri.
Swrwngnairogni kokno khorogo wansugwino smart class no khobwi Hostel tei dalbidal sep sab naharwi mananw.
Abono karwibo a salo Sahaji sakha, baksa bororok hasteni saknairogbai naijakyawi kubuni phatar hasterogo naijagwi tongo, Tripura o jotowi kaichuku super special block tongo sakhamya wngjakrogno naikini khwlainani bagwi. Aboni ulo buibai thokaijagwibo tongo. aroni nongkhornani bagwi sakham bedekno yapri naharnani dagikha.
A salni pandao montri okra no karwibo sakham bedekni kuchuk beremni tangphang tei swrwngnairogbo pandao kwrwngkha.
