Border Security Force (BSF) Raising Day Tripura hasteo khatungjakhe palaimani nukjakha
Koktisalo Tripura hasteni Border Security Force (BSF) Raising Day palaikha Salbagan ni 81 no Battalion. Palaimao manjakha Tripura hasteni CM Dr. Manik Saha.
A salo kwrwngwi CM Dr. Manik Saha khatungmani koklam sakha tei nangkukjak khwlaiwi naimwthang brindiyarog barja naharwi samung tangmano twiwibo bolaiwi kok sakha.
Teikhaksa bwkhak a salo laiwi thangjak 71 chobao langma chonairogno muito khaikha. Thwiwi thangjak nukhungni bororok no borom yapharkha.
Teibo nangkukjak wngkha a salo kaisa bijap eba magazine tikhwlaikha, Mung Gajraj.
Pandao manjakha BSF kuchuk beremni tangphang no khobwi tei kubuni brindiyarog.
