Media Skill Development workshop khwlaimao manjakha Tripura CM Dr. Manik Saha
Phasalni simi Tripura hasteni Agartala Press Club nokha salba ni bagwi Media Skill Development Workshop chengkha. Puilani salo Tripura hasteni Montri okra Dr. Manik Saha ni yak romwino chati kwthar mwswngmani bisingtwi yapri sekha.
O pandano luajinai wngkha Information and Cultural Affairs Department, Government of Tripura. Pandao dalbidal Media house ni samung tangnairog kwrwngkha.
A salo ICA Secretary Dr. P.K Chakraborty koktwma thumnairogni bisingtwi haste tei hayung hamkrai ni kokmang khursawi sakha tei media ni bisigtwino hoda ni hamkrai wngmani kokmangno khursawi sakha.
Pandao kok sanai PWD ni Secretary Kiran Gitte sakha, Media no democracy ni 4th pillar hinwi sinijago. Media ni samung kotor wngkha society swnamnani. Alaida khwlaiwi National Media ni kokmangno twiwino khursawi sawi khwnarwkha.
Chief minister sakha, media rokni sakao attack khwlaimani abo tei kaisa phano khwlaijakya tei media rokni juda juda kokrok nobo khakchangma bai khwlaijak.
Pandao manjakha ICA ni Director Bimbisar Bhattacharya, tei Agartala Press Clubni secretary Ramakanta Dey no khobwi tei kubuni.
