Khumulwng Park Water fountain, Rubber Smoke house tei Kherengbar Hospital sakhamno thangwi naikha : Minister Bikash Debbarma
Sangrongsalo Tripura TTAADC ni CEM Purna Chandra Jamatia tei EM Kamal Koloi bai malaikha. A salo bahaikhe Khumulwng Park Water fountain, Rubber Smokehous tei Kherengbar Hospital sakham tongkosong lukurogni bagwi kaham khwlaiwi man aborogno twiwibo koklam salaikha hwnwi koktwma.
A salo Tribal Welfare Minister Bikash Debabrma Khumulwng Park Water fountain, Rubber Smokehous tei Kherengbar Hospital sakham nok no berainaikha.
Bisi kwdwk romwi Khumulwng ni Kherengbar sakhamnok khungsa kaham manani muchungjakmani TTAADC ni tongkosong lukurog. Paithago twrwk twrwk samungni yapri romjak tei daktino kwtal swnamjak kherengbar sakhamnogo khum barsanai hwnwi sakha TTAADC EM Kamal Koloi.
Manjakha kwrwngjak bedekni samung tangnairog.
