Chwng Kokborok kok Roman Script nango ! Tripura ni kaichar hangkhor o choba- TSF

by Gobin Debbarma - Aug 23, 2023 2:06 PM

Swkang  sakhwlaijak tongma haikhe 28^th August 2023 Tripura hasteni kaichar hangkhor o TSF(Twipra Student’s Federation) ringmungbai lahar kasulaikha. Sanmung kaisano Tripura ni kusung kusung tongnai haa ni bwsa Tiprasa bisi kwdwkma romwi Kokborok kokno Roman Scriptbai swinani sanmung tisawi phaimani.

Kokthum o sawi mankha Tripura ni capital Agartala Astable, Abhoynagar, Shalbagan no khobwi dalbidal thai khwlaikha lahar kasumung. O lahar kasumungo Tripura ni hathai kotor o  khoroknwi MLA Ranjit Debbarma tei Nandita Reang thangwi sogwimabai teibo choba kotor khwlaiwi logi manwi khatunglaijakha TSF. 

TSF ni bwkhaktwi a salo Kokborok kokno Roman Script bai swinani tei 125^th Amendment gosimung rwnano twiwi khorang tisamao kwbangma lukurogno chubachu yak pholokha. Bwskangni salo tomung Tripura haphang mungsa phirokmung rwya hinkhe choba kotor wngnai hwnwi sakhwlaikha TSF.