Sardar Vallabhbhai Patel : Achaima sal no rwksawi palaikha Tripura Police ni bisingtwi Rashtriya Ekta Diwas
Kraksalo Tripura Astable eba Swami Vivekananda thwngkhola o Sardar Vallabhbhai Patel ni achaima sal no rwksawi Rashtriya Ekta Diwas palaikha. Bharat ni kubuni hasterog palaima haikhe Tripura hasteo kwrwng kwrwng thaio palaikha.
A salni panda chengnani swkang puila rally kotormakhe khwlaijakha. Pandao manjagwi hukbar mantri Ratanlal Nath sakha, bini samung tanglangma haa kotor tongkosong lukurogni bagwi belai nangkukjak aborogno twiwi sawi khwnarwkha. Abono karwibo a salo mantri Ratanlal 2014 bisi ni Bharat ni mantri bokhorok bini achaima salno twiwi yapri naharjakmani hwnwibo sawi khwnarwkha.
Teikhaksa bwkhak Tripura Police ni luajimungbai AD Nagar ground o khwlaijakha Rashtriya Ekta Diwas. Pandao manjakha Tripura mantri okra Dr. Manik Saha, Tiprasa Hamkrai mantri Bikash Debbarma no khobwi tei kubuni samung tangnairog.
Kok narwkna thangwi mantri okra sakha, haa no hamjagwi samung tangnai tei hodano sicharwmung ni bisingtwi swlaimung tubumani kokrognobo khursawi sawi khwnarwkha.
