Rajib Bhattacharjee : 47 vote manwi Tripura ni Rajya Sabha kwplai wngkha BJP
Kraksalo Tripura ni kaisasusu Rajya Sabha achukthaio BJP hainohai phano achukha. Bodol ni samung tangnairog khatung khajakha wnglaikha tei him botok khwlaikha hohom dodomkhe.
BJP ni wngwi Tripura Rajya Sabha ni batainai Rajib Bhattacharjee jotowi kai brwichisni vote manwi kwplai wngkha. CPIM ni batainai Sudhan Das mankha kaichi vote tei khoroktham congress ni MLA vote rwiliya.
Teibo sathaio kwlaio Tripura BJP 2022 bisini simi Rajya Sabha achuknani chengmani. Puila BJP ni wngwi achukthaio achukmani tabukni Tripura ni mantri okra Dr. Manik Saha, aboni ulo tabukni Lok Sabha ni Member of Parliament Biplab Kumar Deb.
Khursathaio kwlaio sal kisa swkang Rajya Sabha vote naharnani bagwi sakhwlaijak hasterog wngkha Assam, Bihar, Haryana, Madhya Pradesh, Maharastra, Odisha, Rajeshthan tei Tripura.
